Ligue 1-ah Paris St-Germain an chelh

15th February, 2016

French Ligue 1 champion lai Paris St-Germain chuan a zawna league match 16 chhung hnehna an chan chu an chhunzawm thei lo a, Inrinni zan khan an mikhual Lille nen goal awm loin an inhnehtawk.

Laurent Blanc-a'n Thawhlehni zana Chelsea nen Champions League last 16 match an khelh tur hre rengin an top scorer Zlatan Ibrahimovic leh captain Thiago Silva bakah player
ṭhenkhat a chawlh tir a, goal zawnah vawi li chiah an pet thei.

PSG hian tun season-ah hneh loh an la tawng lo a, match 26 khelh tawh aṭangin vawi 22 chakin vawi li chu an khingpuite nen an inhnehtawk thung.

Ligue 1 table-ah PSG hian fal takin hma an la hruai chhunzawm zel a, point 70 hmu tawhin pahnihna Monaco chuan point 45 an hmu mek thung. Mahse, an inthlauhna hi nizana Monaco leh ASSE inkhel result a zirin a la danglam leh thei ang.