Mizoram Volleyball Super League May thlaah neih a ni dawn

Mizoram Volleyball Asso-ciation leh LPS buatsaihin May thla khian Mizoram Volleyball Super League khelh tura ruahman a ni a, inelna hi Tuikual Indoor Stadium-a khelh tur a ni ang.

Volleyball inelna lianah hian team paruk an tel dawn a, 2016 MVA 1st division team ṭha pathum Hunthar Volleyball Club, TNT VC leh 3rd Battallion MAP VC te chu direct in an tling nghal. A bak hmunruak pathum chu playoff hmanga hnawh khah tur a ni dawn.

March 22 khian Tuikual Indoor stadium-ah playoff hi khelh tur a ni a, he inelna a tel tur team tan veng emaw local council hming an neih a ngai a, team player 12 aṭanga 18 telna chu March 15 ral hmain MVA joint secretary hnenah thehluh tur a ni.

Playoff khel tur hian state pawn player pahnih an la thei dawn a, MVSL khel tura tling team paruk tan April thlaah transfer wimdow hawn a ni ang.

Hrechiang duh tan phone number 91 97 74 961207 leh 94 36 156854-ah te zawh fiah theih a ni.