Hockey player pangain Covid-19 an kai

India mipa hockey player panga ten Covid-19 an kai tih hmuhchhuah a ni a, training an neihna hmun aṭanga lak hran an nih hnuah SS Sparsh Multispeciality Hospital, Bengaluru-ah dah luh an ni.

Hripui kai zingah hian striker Mandeep Singh chu a tuar na deuh ber niin a lang, thawk lamah harsatna a nei niin Sports Authority of India (SAI) chuan an tarlang; midang erawhin harsatna an nei hran lo thung.

SAI chuan thuchhuah siamin, "Sports Authority of India chuan player pangate chu damdawi inah a dah, an dinhmun ngaihtuah awm ni lo mah se kan him tlan nana tih a ni, hun rei vak lo hnuah an ṭhat chhuah leh thuai kan beisei," an ti.

Coronavirus vangin hun rei tak chhung chu training neih theih a ni lo a, tun thla ni 20 aṭang hian Bengaluru-ah inbuatsaihna neih leh tura ruahman a ni. Player ṭhenkhat an thleng khawm tawh a, an la kim lo thung.

Player endik zingah hian captain Manpreet Singh, defender pahnih Surender Kumar leh Jaskaran Singh bakah drag-flicker Varun Kumar leh goalkeeper Krishan Bahadur Pathak ten hri hi an kai a ni.