Marquez dinhmun a la chiang lo

Marc Marquez hliam a la dam fel thei lo a, tun kar tawpa tlan tur MotoGP Austrian Grand Prix atan a dinhmun a la chiang lo - test rider Stefan Bradl chu a hmnruak luah tura ruat lailawk a ni.

Tun season bika intlansiak hmasa ber Spanish Grand Prix an tlan ṭumin Marquez hi a chesual, world champion hi a ban ruh tliak an zai aṭanga ni hnih hnu lekah a dam thu puan a ni a, mahse zai nawn leh niin 100% a dam a la ni lo.

Czech Republic Grand Prix an tlan zawh takah khan Bradl hi 18-na a ni a, beisei ang result a nei lo. Repsol Honda rider pakhat zawk Alex Marquez pawh 15-na niin, a u Marc Marquez awm loh laiin an team chu result ṭha an neih pui thei lo.

Red Bull Ring-ah Marquez a inlan thei lo leh a nih chuan a nomawi kawl lai humhim a harsa tawh dawn. Intlansiak vawi thum an neih tawhah Yamaha rider Fabio Quartararo chuan point 59 a khawl khawm der tawh a ni.