Inter School Futsal Vawiinah semifinal khel dawn

Neuhof School - Inter School Futsal Tournament 2023 khelh laiah semifinal khel tur a hriat kim tawh a, vawiin hian Electric Veng YMA Hall-ah khelh chhunzawm a ni dawn, a boruak a nung leh khawp ang.

High School huangah Home Missions School leh Neuhof School, Chanmari te an inkhel hmasa ang a, a hnuah Mount Carmel leh St Ethan HS te an intum dawn, school naupang ngah an nih avangin entu pawh an tam dawn.

Higher Seconday huangah pawh Home Missions School bawkin semifinal an lut a, an hmaa ding tur chu Rev. Saiaithanga Memorial School an ni a, anni ang bawka zirna mai bakah infiamna lama thawm nei lian Mount Carmel School 'A' leh Nazareth HSS te an intum bawk ang.