India referee pui tur Pierluigi Collina

All India Football Federation (AIFF) president Kalyan Chaubey chu tun hnai khan FIFA prisident Gianni Infantino nen an inhmu a, he hunah hian Indian referee-te tihmasawn turin Pierluigi Collina chu India rama a kal dan tur an ngaihtuah.

Mumbai khawpuiah International Olympic Committee (IOC) chuan meeting an nei a, he hunah hian Infantino leh Chaubey te hi an inkawm a ni. AIFF president chuan remchang lain - Italian legend Collina chah luh dan tur hi a lo sawipui a, kawng hawnsak a ni ang.

Indian referee sawiselna thawm a awm fo, tun hnai khan club ṭhenkhat chuan All India Football Federation (AIFF) hnenah an lungawi loh thu pawh an thlen, hei hian a ṭha zawngin nghawng a nei ngei dawn niin a lang.

AIFF president Chaubey chuan, "Tun hnaiah tihsual a awm zauh zauh a, hei hi kan hnathawh leh tha leh zung kan pek zawng zawng nen a inmil lo. Chuvangin engtiangin nge hma kan sawn theih ang tih hi ngaihtuah a ngai, a chhan chu heng tihsualte hian nghawng na tak a neih theih vang a ni.

"Ruahman dan chuan tun aṭanga rei vak lo hnu hian India ramah Pierluigi Collina a lo kal ang. Hei hian football tan rah ṭha a chhuah ngei ang," tiin a sawi.