Osimhen a inhliam

Victor Osimhen chu an ram Nigeria tana a fehchhuahna lamah a inhliam a, a malpui hliam vang hian tun kartawpa Napoli leh Verona ten Serie A match an khelh hunah a inlan ve thei dawn lo.

Naples club chuan an striker ṭha inhliam thu hi thuchhuah siamin an tarlang a, mahse engtianga rei nge a chawlh dawn tih erawh an sawi lang tel lo thung. Zirtawpni zana Saudi Arabia leh Nigeria inhnehtawk ṭumin a hliam tih erawh an tarlang.

Italian champion Napoli hian duhthusama ṭhain season bul an ṭan lo, league match an khelh tawh chinah point 14 hmuin pangana dinhmun an luah. League hmahruaitu AC Milan an phak lohna chu point sarih a ni mek - tun thla tawp hian club pahnih hi an intawng dawn a ni.