Khachanov hnehtu Popyrin

Tennis inelna Japan Open khelh laiah nimin khan Karen Khachanov a chak lo, seeded pasarihna ni phak Khachanov hi Alexei Popyrin lakah 6-4, 6-2 a chak loin first round-ah a zinkawng a tawp nghal a ni.

Australian tlangval Popyrin hi world number 41 a ni phak chauh a, tun ṭumah hian chak zawk tura rinkai a ni lo. Mahse, a tir aṭanga inkhel thununin a chungnung tluan, a match lehpekah chuan Cristian Garin a hmachhawn leh ang.

Japan Open-ah hian mipa singles champion tura rinkai Alexander Zverev pawh a lo tla nghal tawh. Seeded pakhatna Taylor Fritz erawhin British tlangval Cameron Norrie chu 6-4, 6-3 a hnehin second round a inhlangkai ve thung a ni.