IBF heavyweight champion Martin hmaah Joshua

British heavyweight boxer beisei-awm ber pawl Anthony Joshua chuan IBF world heavyweight title kawltu Charles Martin chu April 9 khian London khawpuia O2 Arena-ah a hmachhawn dawn.

Kum 29-a upa Martin hian vawi 24 inhnek a hmachhawn tawhah vawi 23 hnehna changin vawi khat a inhnehtawkpui a, January thla khan IBF title hreng tur hian Vyacheslav Glazkova hneh a ni.

Kum 26-a upa Joshua hian profes-sional boxing a luhchilh hnuah ngamtu a la tawng lo a, inhnek vawi 15 a hma-chhawn tawhah a khingpuite a la knockout fai vek.

Olympic champion Joshua hian a in-hnek hnuhnung berah Dillian Whyte chu December thla khan British heavy-weight title hreng turin round 7-naah a knockout a ni. Joshua hian Whyte tih loh hi chu round 3 chhungin a khingpuite a knockout vek thei a ni.