Argentina Open champion Thiem

ATP ranking top 20 zinga naupang ber kum 22-a upa Dominic Thiem chuan Pathianni khan Nicolas Almagro hnehin Argentina Open champion nomawi a chawi.

Buenos Aires-a inkhelah world number 19 Thiem hian darkar hnih leh minute 28 chhungin 7-6, 3-6, 7-6 in hnehna a chang a, ATP title pali a lakna chiah a ni a, a title zawng zawng hi clay court aṭanga a hlawhchhuah vek a ni nghe nghe.

Austrian star Thiem hian semifinal-ah world number 5 Rafael Nadal chu a lo hneh tawh bawk. Champion lai Nadal lakah hian a chak lo teuh hle a, match point a hmuh tawh hnu chu a pawt thla leh a ni.

Thiem chuan, "Tournament hautak tak a nih avangin inkhelh a harsa hle a, ka champion thei hi ka vannenih vang pawh a ni zawk mah. Player ṭha tak tak kara ka rawn dingchang thei hi a lawm-awm dan a dang bik," a ti.