India tan Chain Singh

Indian shooter Chain Singh chuan 12th South Asian Games neih mekah India tan a thawh hlawk hle a, Pathianni khan 50m rifle inkah siakah gold medal a la.

Kum 26-a upa Army shooter hian SAG-ah hian 50m rifle prone leh 10m air rifle-ah te gold medal a lo dawng tawh bawk.

SAG-a shooting inel-na bikah Indian shooter-te an che ṭha hle a, gold 21 bakah silver pakua leh bronze pariat an la tawh.

Infiamna khawmpui lian thlengtu India chuan a pumpuiah gold 160 zet la tawhin nimin tlai thleng khan fal takin hma an la hruai zel a, anmahni hnaih bertu Sri Lanka chuan gold 25 chiah an la la thei a ni. SAG hi Guwahati leh Shillong-ah neih niin February 16 hian a ṭiak ang.