Bundesliga Bayern tan Lewandowski bawk

German Bundesliga champion lai Bayern Munich chuan an no-mawi humhim turin kawng dik an zawh zel a, Pathianni zan khan khual-mualah Augsburg chu 3-1 in an hneh.

Bayern tan striker Robert Lewan-dowski chuan goal hnih a khung bakah Thomas Muller chuan an goal thumna a khung. Augsburg goal neih chhun hi hun tawp dawna Raul Bobadilla khung a ni.

Pep Guardiola naute hi tun sea-son league match 21 khelh tawh aṭangin vawi khat chiah an la tlawm a, vawi 18 hnehna changin vawi hnih chu an khingpuite nen an inhnehtawk. Point 56 hmuin pahnihna Dortmund aiin point riatin an sang zawk.

Tun dinhmunah Bayern hian tlarhnungah duhthlan tur an nei chau hle a, centre back Holger Bad-stuber, Javi Martinez leh Jerome Boateng te chu hliam vangin an inkhel thei lo vek.

Badstuber hian team training naah a ke rek a ti na a, a lo berah thla thum chhung vel a inkhel thei dawn lo. Augsburg lakah pawh hian David Alaba leh Joshua Kimmich-te chu thlarhnung laiah din tir an ni.

Bayern Munich head coach Guardiola chuan, "Champions Lea-gue khelh hmabak kan nih avangin kan dinhmun hi a ṭha rih lo hle a, mahse vawiina Joshua khelh dan khan min ti lawm hle a ni. Kan player inhliamte an lo kir thuai theih nan duhsakna ka hlan," tiin a sawi.

Inkhel dangah Hamburg chuan a zawna league match ruk chhung chakni hmel an hmuh loh hnuah chak ni hmel an hmu ve leh ta a, Borussia Monchengladbach lakah 3-2 in hnehna an chang.