Memphis Open champion Nishikori

World number 7 Kei Nishikori chuan Pathianni zan khan a vawi li nan Memphis Open champion nomawi a chawi.

Japanese Nishikori hian Taylor Fritz chu 6-4, 6-4 in a hneh a, ATP World Tour title vawi 11 a lakna chiah a ni.

Tuna tennis khel lai player zingah Ro-ger Federer (Halle, Wim-ble-don, US Open), Rafael Nadal (Monte-Carlo, Bar-celona, Roland Garros (twice) leh Novak Djokovic (Barclays ATP World Tour Finals, Beijing) te chiah hi inelna ngaia a zawna vawi li champion thei an ni a, Nishikori hian player ropui pathumte tih theih ang a rawn ti ve chiah a ni.

Kum 26-a upa Nishi-kori chuan, "A zawna vawi li ka champion thei mai hi mak ka ti a, awih a har zawk hial. Ka service ka vawng ṭha em em a, kha kha ka chak chhan chu a ni," a ti.

Nishikori hian hian lawmman a tan $109,950 (Rs. 74,89,843.48) a dawn bakah ATP Ranking-ah point 250 a hmuh belh a ni.