Serie A Fiorentina-in Inter Milan hneh

Pathianni zan Ita-lian Serie A inkhelah Fiorentina chuan an mikhual Inter Milan chu 2-1 in an hneh a, hun tawp dawnah player pathum hnawhchhuah an ni.

Stadio Artemio Fran-chi-a inkhelah mikhual Inter tan Marcelo Bro-zovic chuan minute 26-na-ah goal hmahruai a khung a, mahse Borja Valero chuan minute 60-naah an si phurh a sut bakah Khouma Babaca chuan hun pek belhah an chakna goal a khung zui bawk.

Roberto Mancini nauten hun tawp lam an hmang ṭha lo a, Alex Telles chu minute 82-naah yellow card vawi hnih hmuh vangin hnawh-chhuah a ni a, midfielder Geoffrey Kondogbia chu hun tawp hnuah mawi lo taka refree kut a ben khum avangin hnawhchhuah a ni bawk. Fiorentia forward Mauro Zarate chu hun pek belhah hnawhchhuah a ni bawk a ni.

He inkhel result avang hian Fiorentina chuan point 49 hmuin table-ah pathumna dinhmun an luah a, season thara Champions League khelh an beiseina an chhawm nung zel. Inter erawh panganaah thla thlain point 45 an nei mek thung.

Inter manager Man-cini chuan, "Thla nga chhung ṭha taka hna kan lo thawh tawh kha tun hnaiah kan thai chhe nasa hle a, kan harh chhuah a hun tawh. Season thara Champions League khel turin beiseina a la bo lo a, a tawp thlengin kan bei zui ang," a ti.

Inkhel Results

Milan 2 - 1 Genoa

Palermo 1 - 3 Torino

Sampdoria 0 - 0 Atalanta

Udinese 0 - 1 Bologna