Zaninah Fenerbahce Vs Lokomotiv

Zanin dar 10:30 hian Europa League Round of 32 hmasa ber chu Fenerbahce leh Lokomotiv Moscow te'n Sukru Saracoglu Sta-dium-ah an khel dawn.

Turkish club Fenerbahce hian Russian club vawi li an hmachhawn tawhah goal an la chhuah ziah a, Lokomotiv Moscow lakah result
ṭha zawk an beisei ang.

Fenerbahce hian player langsar an kawl nuala , Manchester United player hlui Robin Van Persie leh Nani bakah Brazilian midfielder Diego te an kawl. Turkish club tana tun season-a goal khung tam ber erawh Brazilian forward Fernandao a ni a, kum 28-a upa striker hian Super Lig-ah goal 10 khungin Europe inelnaah goal ruk a khung tawh bawk.

Fenerbahce hi an league-ah point 49 hmuin hmahruaitu an ni a, an khingpui tur Lokomotiv Mos-cow hi Russian Premier League-ah pathumna an ni mek. Lokomotiv hian group stage-ah Fenerbahce hmelma Besiktas chu vawi hnih hma-chhawnin 1-1 ve vein an inhnehtawk.

Europa League Round of 32-ah hian La Liga club pali Athletic Bilbao, Sevilla, Valencia leh Villarreal, Premier League club pathum Manchester United, Liverpool leh Tottenham, Bundesliga club pathum Bayer Leverkusen, Borussia Dort-mund leh Schalke bakah Serie A club pathum Fiorentina, Napoli leh Lazio te an la dam. Europa League match dang zawng hi Ningani zana khelh tur a ni.