PSG-in an defender Aurier hrem

Paris St-Germain right-back Serge Aurier chu an coach Laurent Blanc laka mawi lo taka a ṭawng avangin club chuan inkhel thei lo turin a hrem a, Thawhlehni zana Chelsea nen Champions League last 16 an khelh hunah a hmel kan hmu dawn lo.

Kum 23-a upa Aurier hian a team mate Angel di Maria lakah pawh ṭawngkam mawi lo a hmang bawk a ni.

Kum 2015 March thla pawh khan Ivory Coast international hian Facebook-ah refreee Bjorn Kuipers a lo sawisel vangin European match thum khel thei lo tura hrem a lo ni tawh bawk.

Aurier chuan a thil tih vanga a in thiam loh thu sawiin ,"Ka thiltih kha a atthlak hle a, a dik loin hriat-thiamna ka ngen," a ti.

President Nasser Al-Khelaifi chuan, "PSG hian inenkawlna dan leh hrai mumal tak kan nei a, hei hian tumah thlei bik a nei lo. Thil tisualtu chuan dan a hmachhawn a ngai," tiin a sawi.