Hungary tan nghah rih hret a la ngai

Euro 2024 khel turin Hungary tan vawi khat chak tawk mah se Lithuania lakah hnehna an chang zo lo a, an mikhualna ramah 2-2 in an inhnehtawk - Hungary tan nghah rih hret a la ngai dawn.

Beisei tur nei tawh lo Lithuania hian Hungary hi an lo barakhaih a, first half chhunga Fedor Cernych leh Pijus Sirvysgoal hmanga goal khungin, 2-0 in hma an hruai hman.

Goal dang lut loin chawlhlawk hman a ni a, second half-ah Hungary an insiamṭha. Liverpool midfielder Dominik Szoboszlai chuan minute 67-naah penalty hmangin si phurh a sut ṭhen a, hun tawp nan minute riat chiah a awm tawh tihah Barnabas Varga goal khung tur a siamsak bawk a, 2-2 in an ṭin.

Hungary hian match ruk khelh tawhah point 14 neiin group F-ah hma an la hruai tho a, an hnuai chiaha awm Serbia aia match khata khel tlemin, point khatin an sang zawk - match hnih hmabak an la neihah point khat an hlawhchhuah chuan an tlang ang.