FIGC-in Fagioli an hrem

Juventus midfielder Nicolo Fagioli chu pawisa inthapnaah a tel tih hriatchhuah a ni a, hei vang hian Italian Football Federation (FIGC) chuan thla 12 chhung atan a hrem, heng zinga thla nga erawh hrem lailawkna a ni thung.

Kum 22 mi Fagioli hian dan a bawhchhiat avang hian £10,850 a chawi bawk a. Italy rama football thuneitu sang FIGC dan hnuaiah chuan, football khelh kaihhnawihah player-te chu pawisa an inthap phal a ni lo.

Pawisa inthapah an tel a nih chuan kum thung thlenga hrem theih an ni. Fagioli pawh hi hremna na tak tawk thei ni mah se a thil tihsual a pawm a, ngaihdam dilin a thil tih a dik lo tih mipui vantlang hmaah a pawm tih a sawi a ni.

Fagioli bakah hian Sandro Tonali leh Nicolo Zaniolo te pawh chhui zingah an tel a, hei vang hian tun hnaia Italy squad aṭangin an inhnukdawk. Dan an bawhchhia a nih chuan anni pawhin hremna an hmachhawn ngei ang.