Di Maria a chawl hnai

Argentina winger Angel Di Maria chuan Copa America 2024 chu ram tana a inlan hnuhnung ber tur a nih thu a sawi a, Albiceleste tana kum 16 zet lo inlan tawh hian international football mangṭha a tum hnai.

Di Maria chuan, "Copa America zawhah Argentina national team chu ka chhuahsan tawh dawn a, international football-a ka career chu a tawp tawh ang. Ram tana ka tournament hnuhnung ber a ni tawh dawn," a ti.

Kum 35 mi Di Maria hian nipui lai khan Saudi Arabia leh MLS aṭangin sawmna dawng mah se Benfica a pan a, Portuguese club tan hian tun season-ah match kua khela goal ruk khungin assist vawi hnih a nei leh der tawh.

Di Maria chuan, "Ram tana khelh zel ka duh avanga Benfica hi pan ka ni a, level sang taka awm tur chuan team ṭha tak tana khelh a ngai tih ka hria. Nakkum Copa America khelh ngei ka tum a, chutiang tur chuan club leh ram tana ka khelh apiangin theihtawp ka chhuah ṭhin," a ti.

Argentina tana World Cup nomawi chawi tawh Di Maria hian ram tan match 134 khelin goal 29 a khung tawh.