President's Cup a hnai

Cricket Association of Mizoram (CAM) hnuaia inelna President's Cup 2023-2024 chu October 24, Thawhlehni aṭangin Suaka Cricket Ground, Sihhmuiah khelh a ni dawn.

Tournament-a tel tur tan Entry feee Rs 500/- chu Cricket Association of Mizoram Office, Tuikhuahtlangah October 21 thleng pek theih a ni. Ruahman dan chuan inelna hi November 21 thleng neih a ni ang.

Tualchhung cricket inelna President's Cup-ah hian division hrang hrang - Ist division club pariat, 2nd division club 10, III division (14) leh Non League club (14) te bakah district hrang hrang aṭangin club inlan tura beisei a ni.

CAM hmalaknain Aizawl bakah district hrang hrangah cricket association din thar a ni tawh. Tun inelna neih turah pawh hian - Champhai, Serchhip, Kolasib, Lunglei, Siaha, Lawngtlai, Mamit leh Saitual te chu team tir chhuak thei tura rin an ni.

Season hmasa khan Zarkawt Lords chuan final-a an khingpui Kulikawn hnehin an champion.