France-in Scotland an sawp

Euro 2024 khel tura tling tawh pahnih France leh Scotland chuan Thawhlehni zan khan friendly match an khel a, an player neih ṭhatte nena thawk chhuak France hian 4-1 in an sawp.

Lille khawpuia inkhelah Scotland hian goal an khung hmasa zawk a, Eduardo Camavinga-a tihsual zarzoin Brighton & Hove Albion midfielder Billy Gilmour chuan goal hmahruai a khung.

Mahse, France-in friendly match mah ni se, mahni muala tlawm duh loin na takin an chhanglet a, Benjamin Pavard chuan goal hnih rawn khungin, Kylian Mbappe chuan minute 41-naah penalty hmangin a chhuih lut bawk.

Chawlhlawk hman a nih hmain France-in 3-1 in hma an hruai let der a, a chak tur a chiang tawh - minute 70-naah chak nemngheh nan Kingsley Coman chuan a khung ve leh a, 4-1 in mahni mualah France an chak.