Germany leh Mexico inhnehtawk

Julian Nagelsmann enkawl Germany chu Mexico nen 2-2 in an inhnehtawk. Euro 2024 thleng tur an nih avangin Germany hian qualifying an khelh a ngai lo, hei vang hian friendly match an lo khel ṭhin a ni.

Nagelsmann-a'n a enkawl hnua an match hmasa zawkah United States 3-1 in an hneh a, team an indin thar dawn ni pawhin a lang hman. Mexico lakah pawh Antonio Rudiger hmangin goal an khung hmasa.

Real Madrid defender hian minute 25-naah Leroy Sane-a corner pet chu a tauh lut. Mahse, goal luh aṭanga minute 12-na lekah Uriel Antuna chuan si phurh a sut a, chawlhlawk hmain Erick Sanchez-a khung hmangin Mexico lamin 2-1 in hma an hruai daih.

Lincoln Financial Field, Philadelphia-a inkhelah Germany chu mualpho thei dinhmunah an ding. Second half-ah Niclas Fullkrug hmangin si phurh an sut zo a, goal dang lut tawh loin an inṭhaṭhen.

Player Inlan:

Germany: Ter Stegen - Tah, Süle (Thiaw 59'), Rüdiger, Gosens (Raum 65') - Gross (Goretzka 46'), Gündogan, Musiala (Behrens 87'), Wirtz (Hofmann 65') - Sané, Muller (Fullkrug 46').

Unused subs: Baumann, Leno, Trapp, Hummels, Andrich, Brandt, Führich, Havertz, Behrens.

Mexico: Ochoa (c) - Sanchez, Montes, Vasquez, Gallardo - Romo (Chavez 61'), Sanchez (Cordova 61'), Ed. Alvarez, Antuna (Pineda 82') - Lozano (Huerta 82'), Gimenez (Martin 76').

Unused subs: Gonzalez, Malagon, Rodriguez, K. Alvarez, Arteaga, Juarez, Ruiz, Cortizo, Jimenez.