Netherlands-in South Africa an barakhaih

Sri Lanka leh Australia laka a zawna hnehna an chan hnuah South Africa chuan rin loh takin Netherlands an ngam lo a, Thawhlehni khan cricket ram ropui zinga chhiar tel ni ngai lo lakah hian run 38-in an tlawm!

Himachal Pradesh Cricket Association Stadium, Dharamsala-a inkhelah South Africa-in ṭhumvawra vanneihna an chang a, vawm hmasak an thlang. Netherlands tan Scott Edwards chuan a tawp thlenga damin run 78 a siam a, batter dang zingah run 30 siam tling an awm lo.

Ruah surin inkhel a tihbuai avangin over hi 43 chauh khelh a ni a, Netherlands hian run 245 tlinin, wicket riat an hloh a, captain Edwards chet ṭhat zarah South Africa tan target pangngai tak an chhawpsak.

South Africa bat hun a thleng a, beisei an phak lo. Run siam hnem ber David Miller chuan run 43 a tlin hram a, Keshav Maharaj chuan run 40 a tlin bawk - mahse, SA-in beisei angin an khel thei lo a, batter dang zingah run 25 vaw kai pakhat chiah a awm!

Netherlands tan bowler zingah Logan van Beek chu che ṭha fal niin, over 8.5-ah run 60 chiah pein wicket thum a la thei - over 42.5-ah Netherlands hian run 207 an tlin a, wicket hloh vekin Netherlands lakah an mualpho. Dutch team tan match thum an khelha an chak vawi khatna a ni.