Khelo India Boxing leh Football

Guwahati-a neih mek Khelo India-ah nimin khan Mizo boxer-te an inlan a, Under 17 mipa football-ah semifinal an lut bawk.

Mizoram football team hian Bihar 8-2 a hnehin bul an ṭan a, Assam 3-2 in hneh lo zui mah se nimin khan Chandigarh nen 1-1 in an inhnehtawk. Semifinal hi January 19 tlai dar 1:30-ah khelh a ni dawn a, Mizoram hian Punjab an hmachhawn ang. Boxing inelnaah Franky H. Vanlalruatpuia, Laldinsanga leh Lalnunzira ten an khingpui hnehin quarterfinal an lut a; Rudy Lalhmingmuani, Lallawmawma, H. Lalnunhlima, Lalrinngheta leh C. Lalhruaitluanga te an bye avangin quarterfinal an lut bawk.

Under 17 Boxing quarterfinal hi January 18, Inrinni hian khelh tur a ni. Nimin hian Ruthi Lalhmingṭhai,  Zorammuana leh Vanlalruatpuia te an vanduai.