SAG football-ah India-in Nepal an hneh lo

Thawhṭanni zan khan South Asian Games football final-ah Mizo rawlthar pahnih telna India Under-23 chu goal an khung hmasak zet hnuah Nepal lakah 1-2in an tlawm.

India-in inkhel ṭan aṭanga minute 31-naah penalty an hlawh chhuak a, Assamese striker Holicharan Nazary -a'n goal-ah a chantir.

Mahse, second half-ah Nepal an harh chhuak a, kum 1995 hnua India-in SAG football gold hlawh chhuah an beiseina thaibo sak turin Prakash Thapa leh Nawayug Shreshtha te'n Nepal tan goal an khung a, 2-1 in hnehna an chang.

India hian semi-final-ah Bangladesh chu 3-0 in an sawp a, Mizo tlangval Jerry Mawihmingthanga chuan goal khat a khung a, Jerry leh Lallianzuala Chhangte-te he India team-ah hian an tel.

Thawhṭanni zan vek khan pathum-na inchuhin Bangladesh leh Maldives an inhmachhawn bawk a, hun pangngaiah 2-2 a an inhnehtawk hnuin Bangladesh hi penalty-ah 5-4 in an chak.