Dirk Kuyt a mangang

Feyenoord captain Dirk Kuyt chuan hnehna an chang thei lo rei lutuk chu a mangan thlak tawh thu a sawi.

Dutch league-ah Feye-noord hi a zawnin match sarih chhung an tlawm tawh a, table hmahruaitu PSV Eindhoven chu point 20 ngawtin an phak lo tawh.

Liverpool player hlui Kuyt chuan, "Captain ka nih vangin hetiang result kan nei reng hi hrehawm ka ti a, player dangte pawh an mangang ve tawhin ka ring. Thuthar thehdarhtute chuan an duh duh an dem thei a, mahse he team hian hnehna chang turin theihna a nei tih erawh ka hria," a ti.

Result ṭha lo avangin hian Feyenoord coach Giovanni van Bronckhorst chuan dem a hlawh hle a, mahse Kuyt chuan coach ni loin player-te chu mawhphurtu an nih zawk thu a sawi.

Dutch international hlui chuan, "Coach ṭha tak kan nei a, ani hian kar tin mai hian hnehna kan chan theihna tur chi hrang hranga ngaihtuah reng
ṭhin. Dem tur kan awm a nih chuan player-te hi kan ni ang," tiin a sawi.