Robben a inringtawk

Bayern Munich winger Arjen Robben chuan tuna a khelh dan aia ṭha zawka a khelh chhuah theih a in beisei thu a sawi.

Netherlands interna-tional hi hliam vangin a buai fo a, season hmasaa Ba-yern game hnuhung paliah pawh a inlan theih loh bakah tun season-ah a hmel kan hmu tam lo hle, Bundesliga match 11 khel tawhin kum 2016 bikah goal khat mah a la khung lo a ni.

Kum 32-a upa Robben chuan, "Mual dinglam sira Thomas Muller leh Philipp Lahm te nen kan inkawp khawm hi nuam ka ti ṭhin hle a, ka inkhelh danah hma ka sawn ve zel avangin goal pawh ka la khung leh ngei ka ring," a ti.

Bayer Munich hian Bundesliga-ah point riatin hma an hruai fal mek a, Champions League-ah last 16 lut tawh bawkin Italian cham-pion Juventus nen February 24 khian an inhmachhawn dawn a ni.