India mipa boxer ten gold pasarih la

12th South Asian Games neih mekah Indian boxer te an che ropui hle a, gold pasarih lain mipa boxing bikah pakhatna dinhmun an luah vek a ni.

North Eastern Hill Univer-sity-a SAI campus-ah Thawhṭanni khan final khelh niin Glas-gow Commonwealth Games silver medallist L Devendro Singh chuan 49kg category-ah Pakistan boxer Mohib Ulla hnehin gold hmasa ber a la ṭan.

Devendro Singh bakah hian Vikas Krishan (75kg), Shiva Thapa (56kg), Madan Lal (52kg), Dheeraj Rangi (60kg), Manoj Kumar (64kg) leh Mandeep Jangra (69kg) te pawhin gold an la bawk a ni.

London Olympic quarter-finalist Devendro chuan, "Inhnek hautak tak a ni a, thla leh maiah inhnek dang hmachhawn leh tur ka nih avangin inhliam ka hlau bawk. Fimkhur tak chunga hnehna ka chang thei kha ka lawm hle," a ti.

Indian boxer zingah 64kg cate-gory-a gold latu Manoj Ku-mar hi hnuhma nei ṭha pawl tak a ni a, kum 2010 Commonwealth Games khan gold medal a lo lak tawh bakah London Olympic khan quarterfinal a lo lut tawh bawk. SAG final-ah hian Sri Lanka boxer Dinidu Saparamadu chu judge thluthluknain 3-0 in a hneh a ni.