Dortmund player thar tur Mikel Merino

Borussia Dortmund chuan Osasuna aṭangin Mikel Merino an la lut dawn a, July 1-a nipui tranfer bazar hawn a nih hunah an player thar hi an ziak lut thei dawn a ni.

Bundesliga club hian thlasik transfer lai khan Spain Under-19 player hi lakluh an lo tum tawh a, mahse an inrem fel hman lo. Amaherawhchu, Thawhṭanni khan euro maktaduai 5 velin Signal Iduna Park-ah kum 2021 July thla thleng cham turin contract a ziak niin khawthlang media-te chuan an tarlang.

Dortmund sporting di-rector Michael Zorc chuan, "Mikel hi Spain rawl-thar zingah chuan a duh-awm ber pawl a ni a, season thar atan kan la lut thei hi a lawmawm hle," a ti.

Merino hi nikuma Euro U-19 champion Spain team-ah khan a tel ve a, tun season-ah Osasuna tan player ṭangkai a ni bawk.