Michel Platini-a'n tlawm mai a tum lo

UEFA president hrem tawk mek Michel Platini chu Thawhṭanni khan court hmaah a inlan a, French pachal chuan ama hmakhua atan niloin diknain ro a rel ngei theih nan a beih zel tur thu a sawi.

Kum 60-a upa Platini hi FIFA president Sepp Blatter hnen aṭangin thamna sum pound maktaduai 1.3 vel dawng-ah puh a ni a, Blatter nen hian football kaihnawih hrim hrima in-hnamhnawih thei lo turin kum riat chhung atan hrem an ni.

French football legend Platini chuan, "Engmah tih dik loh ka nei lo a, engmah ka hlau lo. Vawiinah hian thil tih dik loh nei ni ila chuan hmun hla takah zak tak chungin ka biru ang," tiin dik lohna a neih loh thu a sawi.

Platini chuan sawi chhun-zawmin, "He hun harsa tak hi Blatter pawn a tawh ve tho avangin amah vanga hetiang dinhmuna ding chu ka ni lo a, a titu erawh ka zawng chhuak thuai dawn a ni," a ti.

French pachal Platini leh Blatter-te hrem an nihna chungchangah hian thuneitu sang ber chu FIFA appeals committee an ni.