Pogba leh Dybala an chhuak lo ang - Juve CEO

Juventus CEO Giu-seppe Marotta chuan an player duhlai Paulo Dybala emaw Paul Pogba pawh hralh tumna rilru an neih loh thu a sawi.

Season ṭan dawna Paler-mo aṭanga Juve zawmtu Dybala hi tun season-ah a khel ṭha hle a, match 34 a khelh tawh aṭangin goal 16 a khung tawh. Argentina international hi Catalan club lian Barcelona chuan an ngaihven nia sawi a ni.

Tunlai khawvela mid--fielder ṭhangduang ber pawla ngaih Pogba hian duhtu a ngah hle a, Barca bakah Manchester City, Paris Saint-Germain leh Chelsea te chuan an ngaihven hle bawk.

Marotta chuan a pla-yer duhlai chanchin sawiin, "Juve hian khawvela player langsar ber ber a kawl khawm mek a, an zingah hian Pogba leh Dybala te pawh an tel. Tun dinhmunah chuan anni pahnih hi lei tumin min dawr pawh nise hralh tumna kan nei lo," a ti.

Premier League cham-pion Chelsea chuan season thar atan Juve manager Massimiliano Allegri chu lakluh an duh nia sawi thawm a awm mek bawk.

Moratta chuan Alleg-ri chungchang sawi chhun-zawmin, "Allegri hi kan tan chuan hruaitu ṭha tak a ni a, hnathawh hmabak a la ngah avangin kan hnenah hian hun rei zawk awm zel se kan la duh. Ani anga miṭha chu zawn hmuh leh a harsa tawh ang," tiin a sawi.