Terry-a'n Man City hmachhawn lo mai thei

Chelsea captain John Terry chu malpui na vangin a inkhel thei lo mek a, Pathianni zana Manchester City nen FA Cup fifth round an khelh hunah pawh a inlan theih loh mai theih thu Blues manager Guus Hiddink-a'n a sawi.

England internatinal hlui Terry hi karhmasa In-rinnia Newcastle United 5-1 a an sawp ṭumin a inhliam a, nizana French champion Paris St-Germain nen Champions League last 16 an khelh pawhin a inlan thei lo.

Blues manager lailawk Hiddink chuan, "Terry dinhmun hi hriatthiam a harsa rih a, nitin a bika enkawl niin kartawpa a inkhelh theih ngeina turin theihtawp kan chhuah mek," a ti.

Jose Mourinho thlaktu Hiddink hinan Chelsea hi match 12 chhung hneh loh nei loin a kal tluanpui mek a, hemi kawnga a player pawimawh pahnih Terry leh Kurt Zouma te hliam vanga a chan hi a lawmawm loh hle ang.

Premier League cham-pion Chelsea hian league match 26 khelh tawh aṭangin point 33 an hmu tawh a, table-ah 12-na dinhmun an luah mek.