Damkawr Welbeck a hlim

Arsenal forward Danny Welbeck chuan team boruak a nawm thu leh a hliam dam hnua beiseina nen hmalam hun a thlir thu a sawi.

Manchester United player hlui hian Pahtianni zan khan Leicester lamah hun tawp dawnah Mesut Ozil freekick chu a tauh goal a, Gunners chu point thum hlu tak a hlawh-chhuah pui.

Welbeck hi a khup na avangin thla sawm chhung ngawt a inkhel thei lo a, nikum April 26 hnua a vawi khat nan a club tan a inlan ve leh ṭan chauh a ni.

Kum 25-a upa Wel-beck chuan, "Football ka khelh hun chhungin tun ṭuma ka hliam vanga ka chawlh hi a la rei ber
ṭum a ni a, inkhel hautak leh boruak sang taka danglamna thlentu ka ni thei kha ka lawm. Keimah bakah team boruak a ṭhain kan hlim a, kan hmabakah pawh phurna kan neih phah ngei ka beisei," a ti.

Arsenal hian kum 2003-04 hnua a vawi khat nan Premier League title lak an beisei ve leh mek a, hmahruaitu Leicester (53) chu point hnihin an phak lo mek. North London club ve tho Tottenham nen point 51 ve ve an hmu mek a ni.