Mary Kom-i'n gold a dawng

MC Mary Kom chuan nimin khan a khingpui a knockout a, Sarita Devi leh Pooja Rani te pawhin hnehna changin 12th South Asian Games-ah hmei-chhe boxer pathum ten India tan gold medal an la.

London Olympic bronze-medallist Mary Kom (51kg) hian North Eastern Hill University, SAI Campus-ah Anusha Kodituwakku Dilrukshi chu second 90 pawh an inhnek hmain Technical Knockout (TKO) hmang^-in a hneh.

Sri Lanka boxer Anu-sha hian a khup ding lam a ti na a, a lo berah thla thum chhung vel a chawlh a ngaih phah dawn a ni.

World champion vawi nga lo ni tawh Mary Kom chuan, "Fa neih hnua inhnek leh chu a hautak duh bik a, training ka neih nasat avang erawh chuan inrintawkna ka nei. Hnehna ka chan theih nana thawk rim ka team chungah ka lawm hle," a ti.

Kum 32-a upa Ma-nipuri boxer hian 2012 London Olympic Fly-weight (51kg)-ah khan India tan bronze medal a dawng a,Women's World Amateur Boxing Championship-ah kum 2002, 2005, 2006, 2008 leh 2010 khan gold a lo dawng tawh bawk.

SAG-ah hian India bo-xer te an che ṭha hle a, mipa lamah gold pasarih bakah hmeichhe inelnaa gold pathum chu an la vek a ni.