Beckham-a club leh PSG an indawr

Paris St-Germain neitu Qatar Sports Investment chuan David Beckham-a Major League Soccer club thar tur Miami-ah neitu nihna lei ve tumin an dawr mek.

PSG-a football chawlh-santu Beckham-a club thar tur buaipuitu Mia-mi Beckham United (MBU) hian hun engemaw chen chhung chu sum lama pui theitu tur hi an lo zawng tawh a, PSG neitute nen hian an thawk ho ngei dawn niin a lang ta.

Kum 2018 aṭanga MLS khelh ṭan tuma inbuatsaih MBU chuan thuchhuah siamin, "Mia-mi Beckham United chuan world class foot-ball club din ngei tumin theihtawpin hma a lak chhunzawm zel a, khawvel hmun hrang hrang aṭangin min thawhpui duh tam takin min be tawh a ni," an ti.

England captain hlui Beckham hi kum 2022 World Cup Qatar-a nghah a nih chungchangah Qa-tar chhanin a lo ṭawng chhuak tawh a, football chu khawvel hmun hrang hranga hmelhriat tir zel a pawi-mawh zia a lo sawi tawh a ni.