Liverpool defender thar tur Matip

Schalke defender Joel Matip chuan nipui transfer-ah Premier League club Liverpool a zawm dawn. Kum 24-a upa defender hian season tawp rualin Bundesliga club-a a contract neihlai hi a hmang zo dawn a, free-transfer in Liverpool hi a pan thei dawn a ni.

Germany-a piang, Cameroon tana vawi 27 inlan tawh defender hi Schalke youth system chhuak a ni a, centre-back leh midfield-ah a khelh kawp theih avangin Reds tan a pawimawh hle ang.

Kum 18 lek a nih laia Bundesliga-a a match hmasa ber kheltu Matip hian Schalke tan match 200 chuang a khel tawh a, Jurgen Klopp-a'n Liverpool manager din-hmun a chelh hnua a player lakluh pa-thumna a ni.

Matip hma hian Ser-bian midfielder Marko Grujic chu pound makta-duai 5.1-in Red Star Belgrade aṭangin a la lut tawh a, Anfield-a kum li daih contract ziaktu hi a club ngaiah hian season tawp thleng loan-a khel turin a kir tir lehnghal.

January transfer-ah Reds hian Queens Park Rangers defender Steven Caulker chu season tawp thleng an hnena khel turin loan-in an lo la lut tawh bawk.