Quarterfinal-ah Alex de Minaur a lut

Tennis inelna Japan Open khelh laiah Alex de Minaur chuan nimin khan quarterfinal a invaw kai. Last 16 inkhelah Australian tlangval hian Diego Schwartzman chu darkar khat leh a chanve chhungin 6-0, 7-5 in a hneh.

De Minaur hian tun season chhungin ATP Tour Level bikah quarterfinal hi vawi 10 a lut tling ta chiah a, Australian mipa tennis player zingah Lleyton Hewitt (2004) hnua hetiang ti leh thei hmasa ber a ni hial.

Kum 24 mi De Minaur chuan, "Khingpui hautak tak mai Diego laka hnehna ka chang thei hi ka lawm. Set khatna chu vanneih thlak takin a awlsam a, set hnihna erawh kha chu a hautak hle," tiin a sawi.

Tun season kal laiah match 41 hnehna a chang tling ta chiah a, a match lehpekah chuan Zhang Zhizhen leh Aslan Karatsev te inkhela chak zawk nen an inhmachhawn leh ang.