Quarterfinal-ah Sindhu a lut

Badminton inelna Demark Open khelh laiah nimin khan PV Sindhu chun quarterfinal a invaw kai. India nula hian a khingpui Gregoria Mariska Tunjung lakah game hmasa ber hloh mah se 18-21, 21-15, 21-13 in a hneh.

Sindhu hian Tunjung hi vawi kua a hneh tling ta chiah a, an intawn tawhna belhkhawmah ṭum hnih chu a lo ngam lo ve tawh bawk. Nizan khan India hmeichhe player pakhat zawk Aakarshi Kashyap pawhin last 16 a khel a, result kan hre hman lo.

Olympic medal vawi hnih la tawh Sindhu hian season a hmang ṭha lo, nakkuma neih tur Paris Olympic 2024 a thlir mek a, infiamna khawmpui liana che ṭha tur chuan a thawhrim a ngai tawh hle.

Denmark Open-ah hian India tlangvalte pawh an inlan a, mahse medal dawn beisei zinga mite pawh an match hmasa berah an lo tlawm nghal tawh a ni.