Fenerbahce chakna Souza goal hnih

Thawhlehni zan khan Europa League last 32 first leg khelh a ni a, Fenerbahce chuan Souza goal hnih khung hmangin an mikhual Lokomotiv Moscow chu 2-0 in an hneh a, last 16 lut turin an dinhmun a ṭha tawh hle.

Instanbul-a in-khelah Fenerbahce tan Brazilian midfielder Souza hian minute 18 leh 72-naah goal a khung a a ni.

Manchester United player hlui pahnih Robin Van Persie leh Nani te chuan Fenerbahce tan an goal thumna khungna hun ṭha nei mah se Lokomotiv goalkeeper Guilherme an paltlang zo lo.

Tun hnaiah Fener-bahce hi an khel ṭha tluang hle a, inelna hrang hrangah a zawnin match ruk chhung hneh loh an tawng tawh lo a, heng zinga match liah phei chuan goal an chhuah lo a ni.

Zanin dar 1:25 hian Turkish club tho Galatasary chuan Europa League-ah tho hian Italian club Lazio an lo mikhual dawn a, UEFA chuan khawpui pakhata zan khata Europe League match hnih khelh a remtih loh avangin Fenerbahce te hi team dang zawng aiin an inkhel hma bik a ni.

Fenerbahce leh Galatasary te hi Tur-key khawpui Istanbul-a inbengbel ve ve an ni.