Brazil court-in Neymar an hrem

Sao Paulo khawpuia federal court chuan Brazilian player lar Neymar-a bungraw neih pound maktaduai 34.5 man hu chu khawih chet theih loh turin thupek an chhuah.

Kum 23-a upa Neymar hi 2011-2013 inkara chhiah awl ruah puh a ni a, he thubuai avang hian an bungraw neihte hi khawih chet theih loh turin court chuan thu a pe a ni. Neymar hian tihsual engmah a neih loh thu a sawi thung.

Barcelona forward bungraw khawih chet theih loh hlut zawng hi pound maktaduai 34.5 vel a ni a, a bungrua zing-ah hian lawng, thlawhtheihna, a chhungte hminga company an din pathum leh thil dang dang a tel a ni.

Court chuan Neymar hi a chhiah awl ruk rulh nan pound maktaduai 11 chawi turin an ti a, sum chawi tur zat bi tuk sak a chawi hma hi chuan a bungruate hi court chuan khawih chet theih lohin a dah reng rih ang.