Schumacher a lo kir ka beisei

Michael Schumacher-a ma-nager Sabine Kehm chuan dawhthei taka nghah zel chuan engtikah emaw chuan Formula 1 dirver ropui hi an zingah a lo kir leh ngei a beisei thu a sawi.

Formula 1 world cham-pion vawi sarih lo ni tawh Schu-macher hi kum 2013 December thla khan France rama vur tleng naah a in-hliam a, a luah hliam na tak a tuar.

Kum 47-a upa Schu-macher hian kum 2014 September thla khan damdawi-in chhuahsanin an chen-na Switzerland-ah enkawl chhunzawm a ni. German driver ropuite chhungkua hi kum 2007 khan Gland, Switzerland-ah an pem a ni.

Manager Kehm chuan, "Schu-ma-cher hi kan thinlungah a la thi lo a, kan riulruah a awm reng
ṭhin. Ani hi chu Formula 1 driver hlawhtling ber leh ṭha berte zinga mi a ni a, dawhthei taka kan nghak a nih chuan engtik niah emawh chuan kan zingah a lo kir leh ngei ang," a ti.

Nikum November thla khan FIA president Jean Todt Schu-macher chuan German driver hian dam beiseia theih tawp a la chhuah thu a lo sawi tawh a, tun thla tir khan Ferrari boss hlui Luca di Mon-tezemolo chuan a driver hlui dinhmun chu a ṭhat loh thu a lo sawi tawh bawk. Mahse, tun ṭuma Kehm thusawi hi chuan Formula 1 ngainatute beiseina a siam ngei ang.