United fan-te an nuar dawn

Ticket man to vanga Liverpool fan-te nawrhna in nghawng a nei zel - Manchester United fan-te chuan Europa League match zanina Midtjylland nen an khelh hunah ticket man to vangin nawrh huaihawt an tum.

Danish champion Midtjyl-land hian Man-ches-ter United fan-te chu ticket manah £71 (Rs 6,949) an tuk sak a, Europa League playoff match-a Southampton nen an inhmachhawn ṭuma ticket man chu £22 (Rs 2,153) chauh a ni thung.

Manchester United fan-te hian khelmual chhungah banner deng-khawng tak tak ken luh an tum a, Midtjylland thuneitute chu an au el dawn a ni.

United We Stand fan-zine editor Andy Mitten chuan, "Midtjylland hian United fan-te hi Sou-thampton fan-te aia a let thum vela hausaah min ngai tihna em ni? tih hi kan zawhna a ni. Manchester United Champions Lea-gue away match thum en man belhkhawm pawh £75 (Rs. 7,340) vel chauh a ni," tiin a lungawi lo hle.

Hetihlai hian Sunder-land chuan season thar
aṭanga an ticket man tur an tih tlawm thu an puang a, Liverpool thuneitute chuan fan-te nawrna avang-in an lo ti tlawm tawh bawk.