Osaka-i'n sum lalut hnem

Forbes magazine-in a tarlan dan chuan tun hnai thla 12 liam ta chhung khan Naomi Osaka chu hmeichhe infiammi zinga sum lalut hnem ber a ni a, tennis lama a elpui Serena Williams a khum.

Kum 22 mi Osaka hian a inkhelhna aṭanga lawmman a dawn bakah sumdawnna ṭangin pound maktduai 30.7 a lalut a, pahnihna Serena aiin pound maktaduai 1.15 in a lalut hnem zawk.

Forbes hian kum 1990 aṭang khan hmeichhe infiammite sum lakluh hi a lo chhutsak tawh ṭhin a, kum tinin tennis player ten pakhatna dinhmun an chelh ziah. Tun hma lama Maria Sharapova-i'n (2015) record a lo siam tawh pound maktaduai 24.4 chu an khum.

Hmeichhe infiammi sum lalut hnem zual tarlanna hi tun kar chhunga tih chhuah a ni dawn a, a sang zual 10 zingah tennis player an intlar leh a rinawm - nikum khan India nula PV Sindhu pawh a sang zingah a lo lang ve tawh.

Grand Slam vawi hnih champion tawh Osaka hi Japan rama piang ni mah se US-ah a khawsa zui a, ram pahnihah hian a lar phak avangin sumdawnna lamah a hlawk phah. Sponsor-tu pawh 15 lai a nei mek, heng zingah hian Nike, Nissan Motors, Shiseido leh Yonex te chu a langsar zual an ni.