Lajong-in Bagan an chelh

I League champion lai Mohun Bagan-in champion tura an elpui Bengaluru an hneh aṭanga ni li hnuah Shillong Lajong lakah point hnih an hloh.

Nilaini zan khan Bara-sat Stadium-ah mi-khual team Shillong La-jong-in Konsham Singh hmangin minute 30-naah hma an hruai a, Mariners-in Jeje Lalpekhlua hmang-in minute 59-naah sut mah se inkhel thunun chungin chakna goal an khung thei lo.

Jeje-a 'show'

Inkhel ṭan aṭanga mi-nute 17-na lekah Mohun Bagan-in goal khungna hun ṭha nei mah se Cor-nell Glen leh Jeje-a ten mawi taka ball an in pass kual hnuah Punjabi midfielder Bikramjit-a'n goal-ah a chantir thei lo.

Jeje leh Sony Nor-de te'n hun ṭha neih chhunzawm mah se goal an khung thei lo. Minute 59-naah Jeje a chesual nawn tawh lo a, Bikramjit-a'n ball
ṭha tak a pek hnuah La-jong captain Aiborlang Khongjee a bum a, striker goal dik tak a khung.

Minute 80-naah Jeje-a'n goal khungna hun ṭha neih chhunzawm mah se Lajong keeper Vishal Kaith chuan ṭha takin a dan sak. Mizo tlangval Jeje-a hi 'Man of the Match'-ah thlan a ni.

Mohun Bagan tan Jeje Lalpekhlua a khelh ṭhat rualin Shillong Lajong tan Jacob Lalrawngbawla leh Zodingliana Tochhawng-te'n inkhel bul an ṭan bawk a, Mizo rawlthar pahnih hi an khel ṭha hle.

Table a ngaihnawm

Mohun Bagan leh Benga-luru FC ten point 15 ve ve an hmu a, goal diffe-rence ṭha zawk leh match khata khel tlem Mariners chu hmahruaitu an ni.

Pathumnaa awm East Bengal-in khelh zat inangah point khat chauhin Mohun Bagan an pha lo. Table-a a sang pathum hi champion tura rinkai an ni a, season tawp thlengin champion tumin an inel chho ang.

I League aṭangin club pakhat an relegate dawn a, table mawngphaha awm DSK Shivajians an tlak theih loh avangin tun dinhmuna tla thei chu Aizawl FC an ni.

I league-ah hian point inzatah head to head en tur a ni a, Aizawl FC hian an elpui Salgaocar leh Shillong Lajong an draw a, Sporting Goa an hneh loh avangin Inrinnia an mikhual tur Mumbai FC lakah chak loh a thiang lo.