Ibrahimovic-a'n Premier League lam a hawi?

Zlatan Ibrahimovic chuan season tharah Premier League khel tura a la ṭhat tawk thu a sawi.

Kum 34-a upa Ibra-himovic hian tun season tawp thleng chiah a club Paris Saint-Germain-ah hian contract a nei tawh a, tun hnaiah England, United States leh Qatar te nen sawizawm fo a ni.

Thuthar thehdarhtute hma-ah Ibrahimovic chuan, "Paris-ah hian thla thum chhung hun ka la nei a, chumi hnuah chuan eng nge la thleng chu kan hria ang chu. Thil danglam lian tak a thleng dawn a, kan hre thuai ang," a ti.

Ibra chuan sawi chhun-zawmin, "Premier League khel tur hian ka la ṭha tawk," tiin a kum tam deuh tawh mah se a la inringtawk hle tih a sawi.

PSG hian Thawhlehni zan khan Premier League champion Chelsea chu Champions League last 16 first leg-ah Ibrahimovic leh Edinson Cavani te goal khung hmangin 2-1 in an hneh a ni.