Ezequiel Lavezzi-a'n China a pan

Paris St-Germain forward Ezequiel Lavezzi chuan season hnih chhung cham turin Chinese Super League club Hebei China Fortune a zawm a, kum hnih chhung hian pound maktaduai 23.5 a hlawh ang.

Kum 30-a upa forward hi kumin nipuiah PSG-a a contract neih lai a tawp tawh dawn a, Chelsea leh Inter Milan nen sawi zawm hlawh mah se China lam pan hi a thlang ta zawk a ni.

Sumdawng hausa tawntaw Wang Wenxue-a team hian Argentina inter-national an lakluh hma hian Arsenal win-ger hlui Gervinho leh Cameroon captain Stephane Mbia-te an la lut tawh bawk.

Hebei China Fortune chuan, "Kan team-a Lavezzi awm hian nasa takin tlarhma lamah min pui dawn a, khelmual chhungah team tana a hnathawh hmuh hlan kan nghakhlel tawh hle a ni," tiin thuchhuah an siam.

February 26-a thlasik transfer bazar khar tur Chinese Super League-in player lakluh nan pound maktaduai 200 chuang an seng tawh.

Player langsar zingah Jiangsu Suning-in Brazilian midfielder pahnih Alex Tei-xeira leh Ramires lakluh nan pound mak-taduai 63.4 an seng a, Guangzhou Evergrande chuan Jackson Martinez lak-luh nan pound maktaduai 31 an seng bawk.

Khawvel player langsar ten sum vanga China an pan laiin Argentine stri-ker Carlos Tevez chuan Shanghai SIPG-in kum khata pound maktaduai 19.5 hlawh tura an sawmna a hnar thung.

March 4 aṭanga khelh ṭan tur Chinese Super League team-te hian ram pawn player panga ṭheuh an kawl thei a, heng player zinga pakhat hi Asian Football Confederation hnuaia mi an nih a ngai thung. Inkhelh apiangin khelmual chhungah ram pawn player pali aia tam khelhtir phal a ni lo.