Khawvelah Neuer a ṭha ber - Lahm

Bayern Munich cap-tain Philipp Lahm chuan a khelhpui Manuel Neuer chu khawvela goalkeeper ṭha ber nia a hriat thu a sawi.

German keeper hian kum 2011 khan Schalke aṭangin Allianz Arena a pan a, Bundesliga no-mawi pathum, DFB-Pokal title pahnih bakah Champions League leh Club World Cup-ah te a club hi a champion pui tawh a, 2014 FIFA World Cup-ah khan an ram a champion pui bawk.

Lahm chuan Neuer hian keeper-in an ma-mawh tur ang zawng zawng chu a nei kim vek niin a ngai a, khawvela keeper langsar tak tak Gianluigi Buffon, Petr Cech, David de Gea leh Thibaut Courtois te aiin a ṭha zawkah a ngai.

Germany international hlui Lahm chuan, "Ka ngaihdan chuan Neuer hian keeper-in an ma-mawh ang zawng zawng chu a nei kimin ka hria. A rilru put hmang, a thiam-na, ṭhiante tana a ṭangkaina leh mi a fuih phur theihnate bakah a inrintawkna te ka ngaih-tuah hi chuan ani hi khaw-vela ṭha ber a ni," a ti.

Kum 32-a upa Lahm hian kum 2018 June thla thleng cham turin Bayern-ah hian contract a nei mek a, player fing tia hriat lar hian inkhelh a chawlhsan hnuah coaching lam a chhun-zawm dawn nia sawi a ni.

Lahm chuan a hma-lam hun chungchang sawi-in, "Ka tum dan chuan Allianz Arena-ah hian ka hun tawp thleng hman ka duh. Inkhelh ka chawlhsan hunah pawh football-a inhman chhunzawm zel ka duh a, a eng berah nge ka kal dawn tih chu la chiang lo mah se he infiamna hi ka ngainat avangin eng hna pawh ka thawk thei vek ang," a ti.