Papiss Cisse-a'n training a zawm

Newcastle United forward Papiss Cisse chuan team training a zawm ve leh tawh a; Premier League table mawng lama mek club tan chanchin lawmawm a ni.

Senegal international hi ṭhâl na vangin nikum December 19 hnuah a la inkhel leh lo. Magpies boss McClaren-a'n thla-sik transfer laia a lakluh Seydou Doumbia a chhawr ṭhat duh leh si loh avangin Cisse dam hi a lawmawm zual in a rinawm.

Kum 30-a upa Cisse hian season hmasa khan a club tan hian goal 11 a khung a, tun season league match 13 a khelh aṭangin goal hnih a khung tawh bawk.

Tun dinhmunah New-castle hian point 24 hmu-in league table-ah 18-na dinhmun an luah mek a, an chung chiaha awm Norwich City nen an point hmuh a intluk chiah.