Juventus kulhpui Buffon

Italian champion Ju-ventus goalkeeper Gianluigi Buffon-a'n kum 2016 bikah clean sheet vawi sarih a nei tawh a, European league lian panga zingah ani aia record nei ṭha an awm lo.

Tun season-ah Juve hian league bikah goal 46 khung tawhin an lamah goal 15 chiah a la lut a, Serie A-ah record an nei ṭha ber mek.

Juve hian league-ah season bul ṭan ṭha lo mah se tun hnaiah a zawnin match 15 chhung hnehna an chang thei a, kar hmasa khan an elpui Napoli chu 1-0 a hnehin Serie A match 25 khelh tawh aṭangin hmahruaitu an ni mek.

Massimiliano Allegri naute hian zanin dar 1:15 hian league match khel turin Bologna an lenchilh dawn a, he hunah hian an player pawimawh eng-emaw zat chu hliam vangin an hruai thei dawn lo.

Alex Sandro (malpui), Giorgio Chiellini (chawn), Martin Caceres (tihrawl), Mario Mandzukic (khel) leh Kwadwo Asamoah (malpui) te chu an din-hmun a chiang lo vek a, karleh mai khian Cham-pions League-ah German champion Bayern Munich an mikhual dawn bawk avangin an player-te hi an hahchawlh tir rih a nih pawhin a mak hran lo ang.