Qualifier-ah goal a pawimawh

Vawiin hian Lam-mualah Santosh Trophy 2016 North East Zone Qualifier Group B chu khelh chhunzawm a ni dawn. Chawhma dar 11:00-ah Tripura leh Assam an inkhel ang a, chawhnu dar 2:00-ah Nagaland leh Meghalaya te an inkhel ang.

Group khat aṭangin pakhat chauhin final round an khel dawn a, rinkai Meghalaya leh Assam ten Thawhlehni tlai 2:00-ah group match hnuhnung ber an khel ang. Team ṭha pahnih tan point thum ringawta lawm theih a ni lo a, match hnuhnung bera draw result chauh mamawh turin vawiin hian goal khung tam an mamawh.

Assam-in match hmasa berah 2-0 in Tripura hneh mah se Meghalaya-in an khingpui Tripura 4-0 a an sawp avangin tun dinhmun aṭanga thlirin final round lut turin Me-ghalaya football team dinhmun a ṭha zawk.